X
GO
da-DKkl-GL
SIK
Akitsuutinik ullormiit ullormut qaffaanerit

21. novembari 2019: Akitsuusersuineq ullormiit ullormut ingerlanneqartoq SIK-p Inuusuttaasa isumaqa­ti­gin­ngilaat, tassami ilaasortatta ulluinnarni inuuniarnerat tamatumani kalluarneqarmat.

Sulisartut tamarmik aammalumi Ilinniartut ullumikkut atugarisaat imaannaanngereertigisut suli ajor­nakusoorneruleriartortutut isikkoqarput – aammattaaq ilinniagaqarnersiutit ullumikkumut naam­makkunnaarsimallutik – naak nunatta siuttui peqqinnerulernissamik oqariar­tuuteqaraluartut iliuuserisaminnut tunngatillugu.

Maanna nioqqutissat akitsuuserneqaraluarpataluuniit atugarissaarnissaq eq­qar­saatigalugu inuaqatigiit peqqinnerulernavianngillat. Aalajangernerillu malitsigi­saannik aamma qularnanngilaq nioqqutissat allat aamma akitsussasut, tassa namminersor­tut pisiniarfeeraatillit anngummanniartariaqassammata.

Isorliunerusuni avinngarusimasunilu najugaqartut annertuummik eqqugaanissaat qularinngilara.

Ullormiiit ullormut taama aalajangertarneq apeqqusernarpoq. SIK-p Inuusuttani isumaqarpugut tamanna inuiaqatigiinni peqqinnanngitsuusoq toqqissisimanaranilu.


SIK-p Inuusuttai sinnerlugit

Jens Ole Næsgaard Madsen,
siulittaasoq

Mobiltlf. 23 81 63

 
SIK-p Inuusuttaasa siulittaasuat Jens Ole Næsgaard Madsen.