X
GO
da-DKkl-GL
SIK
Naalakkersuisut siulittaasuannut inassuteqaat

11. septembari 2019: Danskit naalakkersuisuisa saaffiginnissutaat imaluunniit assammik isaassinerat tusaanngitsuusaarneqar­tariaqanngilaq maannakkut nunatta aningaasaqarnera eqqarsaatigalug, SIK-p siulittaasua taama isummerpoq oqaaseqaammi uani.

Maannakkut nunatta aningaasaqarnera eqqarsaatigalugu isumaqarpunga Danskit Naalakkersuisuisa saaffiginnissutaat imaluunniit assammik isaassinerat tusaanngitsuusaarneqar­tariaqanngitsoq.

Tassa aningaasanut inatsisissatut siunnersuut qiviaraanni takuneqarsinnaavoq – soorlu assersuutigalugu Peqqinnissaqarfik 50 million kroninik sipaarfiginiarneqartussatut isikkoqarpoq.

Peqqinnissaqarfillu 50 million kroninik sipaarfiginiarneqassappat, tamanna uagut SIK-mi isumarput naapertorlugu akisussaanngitsuliornerussaaq.

Isumarput naapertorlugu Peqqinnissaqarfik suli annertunerusumik aningaasaliffigineqarnissaminut aatsaat taama pisariaqartitsigaaq.

Taamatullu Peqqinnissaqarfik sipaarniarfigineqassappat ernummatigaarput Peqinnissaqarfiup tungaaniit ilaasortarpassuatsinnut kiffartuussineq ajorseriangaatsiassasoq.

Taamaattumik Naalakkersuisut siulittaasuannut inassutigerusupparput Danskit Naalakkersuisuisat aningaasatigut ikiorsiisinnaaneranni eqarsaasersutaat ilassilluaqqullugu.

 

Jess G. Berthelsen
Kattuffiup siulittaasua