X
GO
da-DKkl-GL
SIK
Suliat assigiit aningaasarsiat assigiit

23. januaari 2020: Maannakkut politiit maani nunatsinni sulisut aamma Danmarkimi politiit sulisut Naalagaaf­feqatigiinnerup iluaniittut aammalu naalagaaffimmit aningaasalersorneqartut assigiimmik aningaasarsiaqalernissaat ilimanarsivoq.

Taamatuttaaq aamma pinerluuteqarsimasunik inissiisarfinni Danmarkimi nunatsinnilu sulisut pineqartussatut nalunaarutigineqarput.

Taamaattumik SIK-mi naatsorsuutigaarput maannakkut Folketingimi ilaasortaatitatta aamma naalagaaffiup ataani sulisut allat suliaat assigiittut Danmarkimisuut aningaasarsiaqalernissaat sulissutigissagaat.

Tassami SIK isumaqatigiissuteqarpoq aammanaalagaaffiup ataaniittunik, tassalu eqqar­tuus­siveqarfimmi sulisut, politeeqar­finni sulisut, politiit angallataanni sulisut, Rigsombudsmandeqarfimmi sulisut il.il.

Soorunami SIK-mi naatsorsuutigissavarput Folketingimi ilaasortaatitatta aamma taakkua qulaani taaneqartut sulissutigissagaat Danmarkimisulli taamatut suliaqartut assinganik ani­ngaasarsiaqartinneqassasut, tassami assigiinngitsitsisoqarsinnaanngimmat.

Tamatumalu kingunerisaanik aamma SIK-mi naatsorsuutigaarput Namminersorlutik Oqartussat suliffeqarfianni aamma taamatut Danmarkimi sulisut assinganik suliaqartunut aningaasarsiat aaqqiivigineqassasut, tassa suliat assigiit aningaasarsiat assigiit.

SIK-mi ilaasortavut aamma taamatulli sullinneqassasut naatsorsuutigalugu matumuuna allakkatigut ammasumik Folkerinngimi ilaasortaatitatsinnut saaffigiinnip­pu­gut aamma naatsorsuutigalugu tamanna tigulluarneqassasoq. Taamaanngippat taava assigiinngi­sit­sisoqalersimassaaq.


Jess G. Berthelsen
Kattuffiup siulittaasua