X
GO
da-DKkl-GL
SIK
Ilaasortaanermut akiliut BS-ikkoortillugu oqinneroqaaq akikinnerullunilu

7. juuli 2020: Girokorti bankimut nalunaarutigitikkukku ilaasortaanermut akiliutit automatiskimik kontunnit ilanngaatigineqartalissaaq. Tamannalu aamma akikillisaataangaatsiassaaq.

Ilaasortaanermut akiliutit girokorti SIK-mit pisat atorlugu akilerniar­tar­piuk – taamalu immaqa ilaannikkut kingusinaaqqajaasarlutit?

Taamaappat taava kattuffiup naatsorsuuseriffia ilaasortat akiliisarnerannik nakkutiginnittuu­soq oqilisaataaniartussamik isumatusaartumillu siunnersuutissaqarpoq: Tamanna akilersuus­sisarfimmut BS-imut isumagisassanngortiguk akiliutissatillu bankimi kontunnit automatis­kimik ilanngaatigineqartartussanngortillugit.

Aammami allamik pissutissaqarluarpoq: Girokortimik akiliinernut ataasiakkaanut tamanut Grønlandsbankenip suliaqarnerminut akitsuutigitittagai maanna 35 kr.-iusut 15. septembari 2020-mit 50 kr.-inut qaffassapput.

BS-ikkoortitsisalernissaq pisariitsuaqqamik aaqqinneqarsinnaavoq. Bankimut saaffiginnissinnaavutit qinnuigalugillu girokorti BS-imut nalunaarutigeqqullugu. Qarasaasiakkullu netbankeqaruit aammattaaq periarfissaqarputit tassuuna nammineq nalunaarutigissallugu.

Paasissutissat nalunaarutiginninnermi pisariaqartut girokortip saamia’tungaaniipput ungalusami ”Tilmeldingsoplysninger”-mik qulequtaqartumi: PBS-nr., debitorgruppe-nr. aamma ilaasortap normua (Medlemsnr.).

Taamaalillutit ilaasortaanermut akiliutit BS-imut isumagisassanngortereerukku SIK-mit girokortimik nassiunneqartarunnaassaatit.

 

Paasissutissat ilaasortaanermut akiliutivit BS-imut isumagisassanngortinneqarneranni pisariaqartut girokortip saamia’tungaaniipput ”Tilmeldingsoplysninger”-p ataani (aappaluttumik nalunaaqutsikkat).