X
GO
da-DKkl-GL
SIK
Danmarkiliarnissat nunatsinni angalaninngortinneqarnissaat neqeroorutaavoq

28. apriili 2020: Coronap nalorninartorsiortitsinera pissutigalugu arlallit kissaateqareersimapput Danmarkiliarnatik nunatsinni angalaannarusullutik.

SIK-p Sulinngiffeqarluni Angalanermut Aningaasaateqarfia ukioq manna Danmarkimut feeriarnissamut makitaasimasunut sms-ikkut ima ilisimatitseqqammerpoq:

”SIK-p feriefondianit Danmarkimut angalanissamik peqarputit. Corona pissutigalugu periarfissippatsigit Kalaallit Nunaata iluani angalanissamut. Tamanna ajorinngikkukku attavigiuk feriefonden@sik.gl imaluunniit tlf. +299 322133, kingusinnerpaamik 15. maaji 2020.”

Feriefondip siulittaasua Ludvig Larsen aamma SIK-p immikkoortortaqarfiinut allanngortitsinissamut periarfissamik tamatuminnga nalunaaruteqarpoq.

Ludvig Larsenilli erseqqissarpaa kissaatigivikkaanni Danmarkiliartoqarsinnaasoq tamanna nammineq akisussaaffigalugu. Taama pisut nalunngiinnassavaat uterunik ulluni 14-ni mattusi­maneqarnissartik, aningaasar­siaminnillu annaasaqassangaluarunik annaasaqaataat aningaasaateqarfiup matusinnaanngikkai.

Corona nalorninartorsiortitsilermat arlallit nalunaareersimapput Danmarkiliarnissamut makitaasimagaluarlutik nunatsinni angalaannarusullutik.