Skip to content

Nakkutilliisoqarfik telefonikkut ataatsimiissava?

SIK-p siulersuisuuneri immikkoortaqarfinnut tusarniaallutik apeqquteqarput.

SIK-p Nakkutilliisoqarfia marsimili ataatsimiittussaagaluarpoq. Taavali corona nalorninartorsi­ortitsilerpoq. Ataatsimiinnissarl septembarip 18-ianut kinguartinneqarpoq. Piffissarlu qanillisoq ataatsimiinnernut assigiinngitsunut killilersuutit suli atuummata piffissaligaanngitsumik kinguarteqqinneqarpoq.

Maannalu siulersuisuunerit immikkoortortaqarfinnut apeqquteqaqqammerput akuerisinnaa­neraat Nakkutilliisoqarfik ataatsimiissappat, katersuulluniunngitsoq, kisianni telefonikkut. E-maili immikkoortortaqarfinnut septembarip 17-iani nassiunneqartoq imaattunik oqaasertaqarpoq:

Apeqqut: Nakkutilliisoqarfik oqarasuaatikkut (ilaatigut videokonferencekkut) ingerlanneqarpat akuerisinnaavisiuk?

Nassuiaat: Taama apeqquteqarnitsinnut pissutigaarput SIK-p malittarisaassaani allaqqammat Nakkutilliisoqarfik ukiumut ataasiarluni pisassasoq. Taamaattumik Nakkutilliisoqarfik ingerlanneqartariaqarpoq.

Apeqquteqarnermut tunngavilersuut: Nakkutilliisoqarfiup naapilluni ingerlanneqarsinnaanera ajornarluinnarpoq, pissutigalugu coronali pillugu oqartussat malittarisassiaat unioqqutinneqarsinnaanngimmata.

Kingusinnerpaamik akissuteqarfissaq ulloq: Tallimanngorneq 2. oktobari 2020.