X
GO
da-DKkl-GL
SIK
Qaqortumi sulisunut sinniisutsialak


Qaqortumi Sulinermik Inuussutissarsiuteqartut Peqatigiiffianni ileqquuvoq ukiup naalernerani sulisut sinniisaasa naapinneranni ”Sulisunut sinniisutsialammik” toqqaasarneq.

 

Taamatullu aamma pisoqarpoq 2018-ip naalernerani. Meeqqerivimmi Aqqaluk-mi sulisoq Naduk Brønlund sinniisutsialattut nersorniarneqarpoq tamatumunnga uppernarsaammik diplomimik tunineqarluni. Tamanna pivoq decembarip 21-ani 2018.

Diplomip oqaasertaani pingaartillugit oqariartuutigineqarput ”Suleqatigiit eqeersimaartut” aamma ”Amerlanerulluta peqatigiilluta nukittunerussaagut”. Tassanilu allassimavoq taanna sulisut sinniisaannut suleqataanullu ukiup ingerlanerani malunnaatilimmik suleqataasunut tunniunneqartartoq.

”Sulisut sinniisaat aammalu peqatigiiffimmi siulersuisut ataatsimuualaarluta juullerpalaajutaa nersorinnissuterput tunniupparput – nerrivimmi aalisakkanik suppaliaq, æbleskivet, risalamande kaffisuutissallu assigiinngitsut pigalugit ulloq atorluarparput,” taama QSIP-mi siulittaasoq Jakob G-Motzfeldt e-mailikkut oqaluttuarpoq. Tamattalu ukiumut nutaamut iserluarnissatsinnik kissaappaatigut.

 

Qupperneq pilersinneqarpoq: 08-01-2019

 

 
Naduk Brønlund Qaqortumi 2018-imi "Sinniisutsialattut" nersornaatisisuuvoq.