X
GO
da-DKkl-GL
SIK
Isumaginninnermut Aningaasaateqarfiit

Aningaasaateqarfiit qinnuteqarnikkut isumaginninnikkut siunertanut aalajangersimasunut tapiissuteqarsinnaasut. Qinnuteqarnermi immersugassaq uani anillatsinneqarsinnaavoq.

Qinnuteqarnermi immersugassaq


Isumaginninnermut aningaasaateqarfeqarnissamik SIK suliffeqarfinnut assigiinngitsunut isumaqatigiissuteqarpoq, suliffeqarfiit tassaasut: KNI, Royal Greenland, Polar Raajat, Arctic Prime Fisheries, Grønlands Erhverv (GE), Nuuk Imeq aamma Namminersorlutik Oqartussat.

Taakkua saniatigut suliffeqarfiit uku isumaginninnermut aningaasaateqarfeqarnissamik Namminersorlutik Oqartussanik isumaqatigiissummut ilaalernissamik isumaqatigiissuteqarfigineqarsimapput: Nuup Bussii, Avannaa Seafood, Maniitsoq Fish, Hotel Arctic aamma Royal Arctic Line.

SIK-p allattoqarfia aningaasaateqarfinnut taakkununnga allattoqarfiuvoq.

Qinnuteqaatigineqarsinnaasut tassaapput:

  • Sulinngikkallarnermi annaasaqaatit
  • Ineqarneq
  • Angalanissamut aningaasartuutissat
  • Qanigisap ilerrata Kalaallit Nunaannukaanneqarnera
  • Isaruartaarnermi tapiiffigineqarneq namminermut aamma qitornanut 18-it inorlugit ukiulinnut (aningaasaateqarfiit ilaannit)

Illit suliffeqarfinni taakkunani sulisuuit? Taava soorlu illit nammineq peruluutigisannik nappaateqaleruit imaluunniit qanigisannik taamatut napparsimasoqarpat periarfissaqarputit aningaasaateqarfinnut qinnuteqassallutit.

Qanigisat tassaapput:

  • Angajoqqaat
  • Aapparisaq
  • Inooqatigisaq
  • Meeqqat
  • Qatanngutit


Attaveqarfissat, ilitsersuutit paasissutissallu
Isumaginninnermut aningaasaateqarfinnit qanoq ikiorserneqarsinnaanersutit paaserusukkukku SIK-mut saaffiginnissinnaavutit, tlf. 32 21 33, e-mail socialfonden@sik.gl

SIK-p allattoqarfiata ammasarfiisa nal. 9.00-imit 14.00-imut avataatigut aamma pingasunngornikkut saaffigineqarsinnaapput: Dana Dahl, toqqaannartumik tlf. 34 93 17, imaluunniit Inge-Marie Rosing, toqqaannartumik tlf. 34 93 11.
 

Nappaatit peruluutaasut allattorsimaffiat (Namminersorlutik Oqartussani tunngavigineqartartoq, taamalu aamma Isumaginninnermut Aningaasaateqarfimmi). Nammineq kalaallisuunngortitarput. Una tooruk anillatsikkumallugu

Qinnuteqaatit qanoq pineqartarnerat qinnuteqartullu pisinnaatitaaffii pillugit allakkiaq paasissutissiissut uani aajuk

► Video paasissutissiissut takorusukkukku una tooruk: