X
GO
da-DKkl-GL
SIK
Siunnersorti

SIK konsulentimik Nuummi allattoqarfitsinni 1. aggusti 2019 atorfinittussamik sulisussarsiorpoq. Qinnuteqarfissap killinga: 7. juuni 2019.

SIK nunatsinni sulisut kattuffiisa annersaattut ilaasortat soqutigisaannik aallussiniarnermini assigiinngitsorpassuarnik pissanganartunillu suliassaqarpoq.

 

Atorfiup imai:

Siunnersortitaassaq kattuffiup allattoqarfiani sulisut allat peqatigalugit pingaartumik makkuninnga isumagisassaqassaaq:

  1. Inunnut ataasiakkaanut tunngasutigut sullissinerit, soorlu atorfinitsitsinernut soraarsitsinernullu tunngasut, kiisalu apeqqutit isumaqatigiissutinut inatsisinullu tunngasut. Suliat tamakku periaatsit assigiinngitsut atorlugit ingerlanneqartarput, soorlu telefonikkut allakkatigullu ilaasortanik sulisullu sinniisaannik siunnersuinertigut, sulisitsisunut allagaqarnertigut kiisalu sulisitsisunik isumaqatiginninniarnertigut.
  2. SIK-p isumaqatigiissutai malillugit sulisut sinniisaannik pikkorissaanerit.

 

Qinnuteqartunit kissaatiginartitavut:

  • Naleqquttumik ilinniagaqarsimanissaq.
  • Allaffissornermi misilittagaqarnissaq, ajornanngippat sulisut ataasiakkaat pillugit sullissinermik, soorlu atorfinitsitsinernut soraarsitsinernullu tunngasunik.
  • Isumaqatigiissutinik inatsisinillu ilisimasaqarneq.
  • Ilinniartitsinermik misilittagaqarneq.
  • Qinnuteqartut arlariinnik oqaasillit perusunneqarnerussapput.
  • Kalaallit Nunaanni inuiaqatigiinni pissutsinik ilisimasaqarnissaq.
  • Suleqateqarsinnaalluarnissaq.
  • Sullissiumatuujunissaq.
  • IT-mik tamatigoortumik ilisimasaqarnissaq.
  • SIK-p isumaqatigiissutaanik paasisimasaqarnissaq iluaqutaassaqaaq.

Neqeroorutigaavut:

  • Suliffik pissanganartoq pissanganartunik suliassarpassualik.
  • Suleqatitsialaat.
  • Suliatigut inuttullu ineriartornissamut periarfissatsialaat.
  • Pisinnaasat malillugit akissarsiaqartitaanissaq.

 

Inissamik innersuussisinnaanngilagut.

Paasisaqarneruniaraanni uku saaffigineqarsinnaapput: Allattoqarfimmi pisortaq Bjarne Petersen (bj@sik.gl. Tel. 34 93 15) imaluunniit siunnersorti Sofie Svendsen (sofie@sik.gl - Tel. 34 93 19).

Qinnuteqaat ilinniarsimanermik suliatigullu misilittakkanik paasissutissartalik SIK-mit tiguneqareersimassaaq kingusinnerpaamik 7. juuni 2019. Qinnuteqaat allakkatigut uunga nassiunneqarsinnaavoq: Issortarfimmut 11, 3900 Nuuk, imaluunniit e-mailikkut uunga: sik@sik.gl, imaluunniit bj@sik.gl

Nittartakkami www.sik.gl-imi SIK pillugu paasissutissat erseqqinnerusut pineqarsinnaapput.

Qinnuteqaativit tigunissaanut qilanaarpugut!