Sulinermik Inuussutissarsiuteqartut Kattuffiat, SIK, Kalaallit Nunaanni sulisartut kattuffiini annersaavoq nuna tamakkerlugu immikkoortortaqarfeqartoq.
- SIK akissarsiat aammalu sulinermi atugassarititat pillugit suliffeqarfinnut anginerusunut mikinerusunullu isumaqatigiissuteqarpoq aammalu pisortat suliffeqarfiutaanni atuuttunik isumaqatigiissuteqarluni (una tooruk isumaqatigiissutit takuniarukkit).
- SIK siulersuisuuneqarpoq, taakkulu SIK-p malittarisassai malillugit ukiut sisamakkaarlugit ataatsimeersuarnermi aallartitanit qinerneqartarput.
- Ataatsimeersuarnermut aallartitat tassaasarput immikkoortortaqarfiit (SIP) siulersuisuinit toqqakkat, oqaaseqarsinnaallutik taaseqataasinnaallutillu ataatsimeersuariaqataasartut.
Immikkoortortaqarfiit
Sinerissami illoqarfinni nunaqarfinnilu 25-ni immikkoortortaqarfeqarpugut. Taakku peqatigiiffittut ingerlapput, taamaattumillu namminerisaminnik siulersuisoqarput.
Una tooruk immikkoortortaqarfiit allattorsimaffiat takujumallugu. Immikkoortortaqarfiit pingaarnertut suliassaraat ilaasortanut attaveqarneq, aammalu suliffeqarfinni tamani sulisut sinniiseqarnissaat qulakkiissallugu.