Skip to content

Ôdâq Olsenip Aningaasaateqarfia

Aningaasaateqarfik ukiorpassuarni SIK-mut ilaasortaasimasunut kajumissaataasunik nersornaasiisarpoq.

 

Aningaasaateqarfiup siunertaraa nunarsuarmi tamarmi sulisartut ulluanni nersornaasiisas­­salluni SIK-mut ukiorpassuarni ilaasortaasimasunut, taamaalillutik taakku Kalaallit Nunaanni sulisartut peqatigiinneranni ajunngitsumik sunniuteqarsimanertik pillugu kaju­mis­saa­­serne­qas­­sammata.

Peqatigiiffiit siunnersuuteqareerneratigut SIK-p siulersuisuuneri aalajangiisassapput kikkut aningaasaateqarfimmit nersornaaserne­qas­saner­sut, nersornaatillu qanoq aningaasartaqassanersut.

Aningaasaateqarfik SIK-mit pilersinneqarsimavoq Grønlands Arbejder Sammenslutning-ip, kingorna SIK-nngortup, Kalaallit Nunaanni inuiaqatigiinni akuusutut ungaqqunneqarsinnaanngitsutut sulisartut pestigiiffeqarnerata ineriartortinneqarnerani maligassiuisut ilaata Ôdâq Olsenip eqqaaneqaatissaatut.

Ôdâq Olsen inuttut pingaarnianngitsuuvoq, sulisartulli kattuffeqarneranni pissarsuuvoq ataq­qineqarlunilu. Eqqaamaneqaataasa ilagaat 1977-imi aatsitassarsiorfimmi Maarmorilimmi suliumajunnaarneq siulersoramiuk suliffiutillit nunanit tamalaaneersut illua’tunge­ra­lugit – sulisar­tutullu iliuuseqarneq tamanna nunani allani maluginiarneqarluarpoq Kalaallit Nunaannilu sulisar­tut peqatigiinnerannut nukittorsaataangaarluni.

Una tooruk aningaasaateqarfiup malittarisassai aajumallugit