SIK-p inuusuttai

Inuusuttut sulisartutut peqatigiikkusuttut katersuuffissaat.

SIK-p Inuusuttai

Postbox 9
3900 Nuuk
E-mail inuusuttut@sik.gl
Tlf. 32 21 33
Fax 32 49 39
Facebook-imi malinnaavigisigut

Kikkut SIK-p Inuusuttaanut ilaasortaappat?

SIK-mut ilaasortaq 35-t ataallugit ukiulik kinaluunniit aamma SIK-p Inuusuttaanut ilaa­sortaavoq – suliffeqaruni, suliffissaaleqisuuguni ilinniartuuguniluunniit.

Tassa SIK-mut ilaasortat 35-nik ukioqalersimanngitsut tamarmik pisinnaa­titaapput SIK-p Inuu­sut­taanut immikkut iliuuserineqartartunut pe­qataanissaminnut – tamatumunngalumi tikilluaqqusaangaarlutik.

SIK-p Inuusuttai immikkoortortatut 2013-imi pilersinneqarput suli­sar­tut kattuffianni ilaasortat inuusuttut ilinniagaqartut suliffe­qar­tulluun­niit atugarisaannik sammisaqartussatut.

Inuusuttunut immikkoortortaq aaqqissugaavoq illoqarfinni nunaqarfinnilu attaveqaateqarneq tunngavigalugu. SIK-p Inuusuttai ukiut marlukkaarlugit ataatsimeersuartarput – attaveqaatillu tamarmik immikkut ataatsimeersuarnermut aallartitassamik ataatsimik toqqaasarput.

Siulersuisut

Siulersuisut ulloq 3. apriili 2021 ima inissitsiterput:
Siulittaasoq Peter B. Mølgaard
Siulittaasup tullia Jørgen Vetterlein
Siulersuisunut ilaasortaq Ane-Marie Havmøller-Jørgensen
Siulersuisunut ilaasortaq Føbe Davidsen
Siulersuisunut ilaasortaq Jakobine Uitsatikitseq


Ataatsimiititaliat

Aningaasaqarnermut ataatsimiititaliaq: Siulittaasoq Ane-Marie Havmøller Jørgensen
Pikkorissarnermut ataatsimiititaliaq: Siulittaasoq Peter B. Mølgaard
Attaveqaqatigiinermut ataatsimiititaliaq: Siulittaasoq Jørgen Vetterlain
Attaveqaatinut ataatsimiititaliaq: Siulittaasoq Føbe Davidsen

Una tooruk: SIK-p Inuusuttaasa 1. oktobari 2019 ataatsimeersuarnerata kingorna nalunaarut.

SIK-p Inuusuttaasa anguniagaat

2019-imi ukiakkut ataatsimeersuarnermi SIK-p Inuusuttaasa malittarisassaat nutaat akuersissutigineqarput. Malittarisassat taakku naapertorlugit peqatigiiffik imaattunik anguniagaqarpoq:

  • Sulisartut inuusuttut akissarsiatigut atorfeqarnikkullu pitsaasunik sullivinnilu avatangiisinik toqqissisimanartunik atugaqarnissaat sulissutigissallugu.
  • Ilinniagaqartut ilinniarnerminni pitsaasunik atugaqarnissaat sulissutigissallugu.
  • Ilinniagaqartut ineqarnikkut atugarisaasa pitsanngorsarneqartuarnissaat sulissutigissallugu.
  • Inuusuttut suliffeqarnikkut inuuniarnikkullu atugarisaannik inuiaqatigiit ilisimatissallugit.
  • SIK-p Inuusuttai pillugit atuarfinni, ilinniarfinni suliffinnilu paasisitsiniaasassallutik.
  • Ilinniartut sulisartullu inuusuttut oqaloqatigiissinniassallugit, taamaalillutik inuusuttut atugarisaannik pitsan­ngor­saaniarnermi tapersersoqatigiinniassammata.
  • Inuusuttut innarluutillit atugarisaasa pitsanngorsarneqartuarnissaat sulissutigissallugu.
  • SIK-mi ingerlatsiviit allat, ilaatigut immikkoortortaqarfiit kattuffiullu allattoqarfia, suleqati­gil­luarniassallugit, soorlu inuusuttut atugarisaannut tunngassuteqartut SIK aqqutigalugu isumaqatigiinniutigineqartarsinnaanerat siunertaralugu.
  • Nunani tamalaani sulisartut kattuffiisa inuusuttunut immikkoortortaqarfiinik suleqateqarnissaq, nunatsinni SIK-p Inuusuttaasa sulineranni iluaqutissanik isumassarsiorfigalugu.


Malittarisassat nutaat
aajumallugit una tooruk 

Ilaasortaanermut akiliut

Qaammammoortumik Ilaasortaanermut akiliutit ilivitsut SIK-p najugarisami immikkoortortaqarfiata aalajangigai tunngaviusumik atuupput. Kisianni ilaasortat ilaat, soorlu suliffissaaleqisut aamma ilinniagaqartut, affarmik akiliuteqartarput.

Ataatsimeersuarnermit kingullermit:

Ataatsimeersuarnermi peqataasut tamarmik, ilagalugit SIK-p siulittaasuata tullia Ludvig Larsen aamma siulittaasoq Jess G. Berthelsen.