Skip to content

Ilaqutariit 559-it 2020-mi feeriassutissarsipput

SIK-p Sulinngiffeqarluni Angalanermut Aningaasaateqarfia ilaqutariinnut 559-inut allakkanik nassiussuileruttorpoq taak­kununnga nalunaarutiginiar­lugu 2020-mi feeriarlutik nunatsinni imaluunniit Danmar­­kimut angalanissaannut makitaasimasut.

Allakkat e-mail­ikkut nassiussuunneqarput (e-mailadresseqanngitsunullu allakkerisarfikkut nassiunneqassallutik).

Aammali qinnuteqarsimasut makitaasimanngitsut puigornagit erseqqissumik ilisimatinne­qa­rumaarput.

2020-mi sulinngiffeqarluni angalanissamut qinnuteqaatit 4060-it tiguneqarsimapput. Taak­­­kunan­nga 3022-t makitsinermi peqataanissamut akuerisaapput, 559-it atorsinnaananatik 479-illu ukiut kingulliit sisamat ingerlaneranni makitaareersimasuullutik. Tassa ukiut kingulliit sisamat ingerlane­ranni makitaareersimagaanni makitsinermut peqataasoqarsinnaannginnami.

Makitsineq pivoq ulloq 23. aggusti 2019, sulisut sinniisaat SIK-p Nuummi immikkoortortaqarfianut atasut pingasut makitsisuullutik – tassa Serie Sørensen, Valerius Petersen aamma Ujarak Heinrich. Eqqartuussisoq Pia Hjort Andersen makitsinermi najuuppoq.

Feriefondip siulersuisui aalangersimapput 2020-mi sulinngiffeqarluni angalanernut 12 mio. kr.-it atorneqassasut. Taamalu ilaqutariit 559-it akiliunneqarsinnaalerput. 2019-imi 9,9 mio. kr.-it siunertamut tamatumunnga aningaasaliissutaapput, tamannalu ilaqutariit 469-it nuannaarutissarsiffigaat.

Paasisaqarnerorusukkaanni saaffigineqarsinnaavoq siunnersorti Inge Lennert, SIK.

Sulisut sinniisaat SIK-p Nuummi immikkoortortaqarfianut atasut pingasut makitsisuupput – tassa (saamerlermit) Serie Sørensen, Valerius Petersen aamma Ujarak Heinrich. Allattaavoq Inge Lennert, SIK-p allattoqarfiani siunnersorti. Eqqartuussisoq Pia Hjort Andersen makitsinermi aamma najuuppoq.