Skip to content

Angalanissamut qinnuteqarnissaq pillugu ilitsersuutit

Sulinngiffeqarluni angalanermut aningaasaateqarfiup siunertaa:

Siunertaavoq sulisartut SIK-ip isumaqatigiissutai malillugit akissarsiaqartinneqartut – taakkualu ilaqutaasa qaninnerit – sulinngiffeqarlutik angalanissaannut akiliussinnaanissaat. Angalanissanik agguaassineq makitsinikkut pisarpoq, qinnuteqartut piumasaqaatinik eqqortitsisut tamatumani peqatasarlutik.

Ukiut tamaasa piffissaq qinnuteqarfiusoq aallartittarpoq ulloq 1. maaji naasarlunilu ulloq 1. aggusti. Taava ukiap ingerlanerani makitsisoqartarpoq aappaaguani angalanissanik.

Aningaasaateqarfik sutigut akiliussisinnaava?

Bilitsinut aningaasartuutit kisiisa aningaasaateqarfiup akilertagarai. Aammali angalanikkut periarfissat aaqqissuussaanerat pissutigalugu najugarisap ornikkallu akornanni (utimulluunniit) aqqutaani unnuisariaqartoqaraangat taakku unnuiffissaannut akiliunneqartassapput.

Ilaqutariit ataatsimoorlutik angalaqatigiissapput; imaappoq ataatsikkut aallassapput ataatsikkullu uterlutik.

Makitsinermi peqataatinneqassagaanni piumasaqaatit uku eqqortinneqarsimasussaapput:

  1. Qinnuteqarnermi immersugassaq eqqortumik immersorneqarsimassaaq – taamaanngippat makitsinermi peqataasoqarsinnaanngilaq 
  2. Qinuteqartup sulisitsisua aningaasaateqarfimmut akiliuteqartartuussaaq. Taamaanngippat qinnuteqaat atorsinnaassanngilaq. Sulisitsisut akiliuteqartartut allattorsimaffiat matuma ataaniittoq takuuk
  3. Makitsinerup kingorna uppernarsaatissatut piumaneqarumaarput akissarsiat allagartaat aamma najugaqarnermut uppernarsaat
  4. Qinnuteqartoq angalaqatiginiagaalu, tassa aapparisaq katissimasaq/inooqatigisaq qitornallu, najugaqatigiissapput. Najukkami inooqatigiinneq pineqartoq ullormi qinnuteqarfiusumi sivikinnerpaamik ukiumi ataatsimi atuussimassaaq
  5. Qitornat angalaqataasinnaassagunik 2023-mi annerpaamik 18-inik ukioqalersimassapput
  6. Qinnuteqartoq ukiut kingulliit sisamat ingerlaneranni Sulinngiffeqarluni Angalanermut Aningaasaateqarfimmit akiliunneqarluni angalanissamut makitaasimassanngilaq
  7. Qinnuteqartoq aapparisaaluunniit/inooqatigisaaluunniit 2023-mi sulinngiffeqarluni angalanermut aningaasaateqarfimmit allamit imaluunniit sulisitsisuminit akiliunneqarluni sulinngiffeqarluni angalasinnaassanngilaq
  8. Qinnuteqaat kingusinnerpaamik ulloq 1. aggusti sumiiffimmi peqatigiiffimmit SIK-mut atasumit (SIP-mit) imaluunniit SIK-p Nuummi allattoqarfianit tiguneqarsimassaaq.

Qinnuteqarsinnaavutit nittartakkakkut immersugassaq nittartakkami www.sik.gl-imiittoq immersorlugu imaluunniit immersugassaq qangatoortoq pappialamut anillatsittagaq immersorlugu.

Makitsineq:

Angalanissat agguaanneqarnerat makitsinikkut pisarpoq. Qinnuteqartut tamarmik kingusinnerpaamik 1. decembari sms-erfigalugit akineqassapput. Akissut tassaasinnaavoq angalanissamut makitaasimaneq imaluunniit makitaasimannginneq.

Sulisitsisut sulinngiffeqarluni angalanermut aningaasaateqarfimmut akileeqataasartut

Namminersorlutik Oqartussat
Kommune
Naalagaaffik
Tusass
Halibut Greenland
INI A/S
Mittarfeqarfiit
Hotel Arctic
KNI Pilersuisoq
Maniitsoq Fish
Neqi
Royal Arctic Line
Avannaa Seafood
Nuuk Imeq
Royal Greenland
Nukissiorfiit
Nuup Bussii
Arctic Prime Fisheries
Polar Raajat
Air Greenland
Sigguk Uummannaq
SIK/SIP
SISA
Sulisartut Højskoliat
NPK

Qinnuteqarlutit immersuigit

Ataani tuugassaq toorlugu qupperneq immersuiffissaq iserfigiuk: