Skip to content

2024-mi “Peqatigiiffitsialak” tassa Aasianni sulisartut peqatigiiffiat

Aasianni sulisartut peqatigiiffiat 2024-mi SIK-mi peqatigiiffitsialattut toqqarneqarpoq. Tamanna pivoq kattuffiup siulersuisuunerisa aalajangerneratigut.

”Peqatigiffitsialak”-mik toqqaaneq SIK-p iluani ukiumoortumik kajumissaatitut ingerlanneqartarpoq. Ilaasortaqarnikkut ineriartorluarnerup saniatigut tamatumani maluginiarneqartarput ilaasortanik sullissilluarneq sammisassaqartitsilluartarnerlu. Aamma suliffeqarfinnut attaveqarluarniarneq, kattuffimmik suleqateqarluarneq minnerunngitsumillu sulisut sinniisoqarnerannik aallussilluarneq maluginiarneqartarput.

Aasianni sulisartut peqatigiiffiat SIK-p immikkoortortaqarfiisa pisoqaanerit ilagaat. Peqatigiiffik 10. oktobari 1953-mi pilersinneqarsimavoq.

Aasianni sulisartut peqatigiiffiat 2021-mi septembarimit illumi uani Frederik Lyngep Aqq. 30-miittumi allaffeqarpoq.

2024-mi sulisartut peqatigiiffitsialaattut toqqarneqarnermut uppernarsaat, SIK-p siulittaasuata tulliata Jokum Zeebip atsiugaa.

Nuunu Johansen Jeremiassen Aasianni SIP-mi siulittaasuuvoq.