Skip to content

Ilaasortanngorit

Ilaasortanngorneq pisariitsuuvoq

Toortagaq "Immersugassaq" tooruk: Taava ilaasortanngornermi immersugassaq pappiaramut anillatsitassaq saqqummissaaq. Ilitsersuut quppernerup matuma ataaniippoq, aammalu sumiiffimmi peqatigiiffimmut sorlermut ataneq apeqqutaalluni ilaasortaanermut qanoq akiliisassanersutit takusinnaavat (ilaasortaanermut akiliutit illoqarfimmit illoqarfimmut assigiinnginnamik).

  • Aamma SIK-mut ilaasortanngorsinnaavutit suliffinni sinniisut imaluunniit peqatigiiffik SIK-mut atasoq attaveqarfigalugu ilaasortanngornissamullu immersugassaq immersorlugu. 
  • PBS aqqutigalugu ilaasortaaninnut akiliuteqartassaatit.
  • Ilaasortaanermut akiliut akileraarnermut ukiumoortumik nalunaarusiornermi ilanngaatigineqarsinnaasarpoq.

SIK-mut ilaasortaanerup iluaqutissartai

Kattuffimmut angisuumut ilaasortaaneq arlalippassuartigut erseqqissunik iluaqutissartaqarpoq. SIK-mut ilaasortaaguit: 

► Ilinniarsimasunik misilittagalinnillu ikiortissaqarlutillu siunnersortissaqassaatit

► Atugarisavit assinginik atugaqartut inuit naapissavatit

► Suleqatit allat tuusintillit tapersersortigissavatit

► Suliannut tunngasutigut sunniuteqarnerussaatit

SIK-p isumaqatigiissutit atorfeqarninnut tunngaviusut isumaqatigiinniutigisarpai, illillu ilaasortatut iluaqutissat tamaasa pissarsiarissavatit sunneeqataanissamullu periarfissaqalerlutit – toqqaannartumik imaluunniit sulisut sinniisaat peqatigiiffillu SIK-mut atasoq aqqutigalugit.

Isumaqatigiissutit pillugit siunnersorneqarneq

Akissarsiat, feeria, suliffinni atugarisat avatangiisillu, pisinnaatitaaffitit allarpassuillu pillugit paasisimasalinnit siunnersorneqassaatit. Illit illoqarfinni imaluunniit nunaqarfinni aamma nuna tamakkerlugu suliffeqarneq SIK-mi ilisimaarilluarpavut.

Isumannaannerunissaq

SIK-mi atorfeqarnermi atugarisat pillugit, akissarsiatigut, napparsimanermi, soraarsitaanermi aamma suliffissaaleqinermi isumaqatiginninniarnikkut isumannaannerusumik inissisimassaatit. Siunnersorneqarnermik, tapersersorneqarnermik aamma attaveqaqatigiinnermik neqeroorfigaatsigit.

Pikkorissarsimasunik sinniisoqarneq

Nunatsinni akissarsiat suliffeqarnermilu atugarisat pitsaanerulersinniarneqarneranni peqataanissannut SIK-mi periarfissaqarputit. Anguniakkat tamakku ulluinnarni ingerlanneqartarput suliffinni tamalaani sulisut sinniisaat qanimut suleqatigalugit. Illit sulisut sinniisaannik qinerseqataasinnaavutit. SIK-milu pingaartillugit ingerlanneqartarput sulisut sinniisaannik pikkorissaanerit sungiusaanerillu, taamaalillutik illit suliffinni soqutigisannik pitsaasumik sulissutiginnissinnaaniassammata pisariaqartitsileraangavillu ajunngitsumik tapersersortarsinnaaniassammatsit.

Kiffartuunneqarneq

SIK-mut ilaasortaanikkut sullinneqassaatit siunnersorneqarlutillu SIK-p aningaasaateqarfiinut qinnuteqaateqarnissamut, soorlu Sulinngiffeqarluni Angalanermut Aningaasaateqarfimmut, tassani feeriarluni angalanissamut akiliunneqarnissamut periarfissaqarmat. Illit qanigisat perululluni napparsimalerpat Isumaginninnermut Aningaasaateqarfimmit ikiorneqarnissamik qinnuteqarsinnaavutit. Makku qinnuteqaatigineqarsinnaapput: Sulinngikkallarnermi isertitatigut annaasaqaatit matussuserneqarnissaat, ineqarneq, angalanissamut aningaasartuutissat aamma qanigisap ilerrata  angerlaanneqarnissaa.

Ilaasortanngornermi immersugassaq pillugu ilitsersuut ilaasortaanermullu akiliutit

Ilitsersuut una aamma ilaasortanngornermi immersugassap tunuaniippoq.

  1. Allagartaq immersugassaq atorneqassaaq SIK-mut ilaasortanngornermi.
  2. Pingaaruteqarpoq allagartap immersugassartaasa eqqortumik immersorneqarnissaat.
  3. Ilaasortat ilaat affarmik ilaasortaanermut akiliuteqarput. Tassa: suliffissaaleqisut, piffissap ilaannaatigut su­­­lisut, ilinniagaqartut ukiumilu siullermi lærlingiusut. Allat tamarmik nalinginnaasumik (tamakkiisumik) akiliuteqassapput. Suliffeqanngissimagaluarlutit, piffissap ilaannaani sulisimagaluarlutit ilinniartuusimagaluarlu­ti­lluunniit tamakkiisumik sulileruit nalinginnaasumik akiliuteqalissaatit. Tamatu­ma­ni immersugassaq alla atussavat allannguutit nalunaarsorneqartikkumallugit. Immer­­sugassaq qulequtaqarpoq ”Ilaasortaanermi paasissutissanik allannguineq”.
  4. Ilaasortat tamarmik akiliutit tungaasigut SIK-mi eqqortumik nalunaar­­­sor­neqarnissaat pingaaruteqarpoq. Taamaattumillu aamma pingaaruteqarpoq allanngortoqaraangat immersugas­sap allap, ”Ilaasortaanermi paasissutissanik allannguineq”-up, tamatigut atortarnissaa, soorlu illoqarfimmut allamut nuukkaanni, allamik suliffeqaleraanni imaluunniit piffissap ilaannaanni sulisi­magaluarluni piffissaq tamakkerlugu sulileraanni, imaluunniit tamatuma akerlianik.
  5. Ilaasortaanermut akiliutip tamarmiusup ilaa peqatigiiffiup nammineq ingerlataanut pisarpoq, ilaalu kattuffimmut pisarluni suliniutinut tamanut atugassatut. 2022-mi apriilimit pe­qatigiiffinni ilaasortaanermut akiliutit tamarmiusut uku atuupput (kr.Qaammammusiaqarnerluni imaluunniit ullut 14-ikkaarlugit akissarsisarnerluni x-iliinikkut nalunaassallugu pingaaruteqarpoq. Ullut 14-ikkaarlugit akissarsisaraanni aamma ilaasortanngornerup kingorna ulloq akissarsiffissaq tulleq allattariaqarpoq. Taamaalillutik ilaasortaanermut akili­u­tinik akiligassiisartut nalussanngilaat akissarsinerit sapaatip-akunnerini akunnaatsuni imaluunniit akunnattuni pisarnersut.

6. Ilaasortaanermut akiliutip tamarmiusup ilaa peqatigiiffiup nammineq ingerlataanut pisarpoq, ilaalu kattuffimmut pisarluni suliniutinut tamanut atugassatut.

2022-mi apriilimit pe­qatigiiffinni ilaasortaanermut akiliutit tamarmiusut uku atuupput (kr.):

Aasiaat 325
Nanortalik 285
Qaqortoq 275
Narsaq 315
Paamiut 265
Nuuk 305
Qeqertarsuatsiaat 235
Maniitsoq 285
Kangaamiut 225
Sisimiut 330
Kangaatsiaq 305
Qasigiannguit 310
Ilulissat 285
Qeqertarsuaq 255
Uummannaq 285
Ikerasak 260
Upernavik 285
Qaanaaq 265
Tasiilaq 250
Ittoqqortoormiit 270
Kangerlussuaq 260
Pituffik 250

Ilaasortanngornermi immersugassap immersornerani nalornisooruit SIK-mut saaffiginnerian­nguarit ilitsersuunneqarumallutit.