Qaammarsaanermut Ilinniartitaanermullu Aningaasaateqarfik

Aningaasaateqarfik 1970-ikkunnili pikkorissaasarnernut il.il. aningaasaliissuteqartarpoq.

QAAMMARSAANERMUT Ilinniartitaanermullu Aningaasaateqarfik (QIA) tunngavilerneqarpoq Naalakkersuisut, Finansministeriap aammalu SIK-p akornanni isumaqatigiissuteqarnikkut (Naalakkersuisut, Finansministeriap aamma Sulinermik Inuussutissarsiuteqartut Kattuffiata akornanni Qaammarsaanermut Ilinniartitaanermullu Aningaasaateqarfik pillugu isumagatigiissummut tapiliussaq). Aningaasaateqarfiup ilaatigut siunertaraa: ”… qaammarsaanermut ilinniartitaanermullu tunngassuteqartunik suliniutit aningaasatigut tapersertassallugit Naalakkersuisut, Finansministeriap aamma SIK-p isumaqatigiissutaat naapertorlugit sulisut aamma taakku sinniisaat iluaquserniarlugit.”

QIA-mi siulersuisui SIK-mit aammalu pisortanik toqqakkanik ilaasortaqarpoq. Sulisitsisut allat, soorlu namminersortut, aningaasateqarfik pillugu isumaqatigiissut ilannguffigisimavaat, SIK-imut isumaqatigiissuteqarnermikkut, taamaalillutik aningaasaateqarfimmut akilersuilerlutik. SIK-p allattoqarfia aningaasaateqarfiup allattoqarfigaa.

QIA pilersinneqarpoq 1. septembari 1971.

Aningaasaateqarfiup siulersuisui

Jess G. Berthelsen, siulittaasoq (SIK)
Ludvig Larsen (SIK)
Else Jonna Villadsen (SIK)
Josef Therkildsen (SIK)
Morten W. Selvejer (Namminersorlutik Oqartussat)