Sulinermik Inuussutissarsiuteqartut Kattuffiat, SIK, Kalaallit Nunaanni sulisartut kattuffiini annersaavoq nunap immikkoortuini tamani peqatigiiffinnik immikkoortortaqartoq.
SIK sulisartut ilinniarsimasut ilinniarsimanngitsullu akissarsiaat aammalu sulineranni atugassarititaasut pillugit suliffeqarfinnut namminersortunut anginerusunut mikinerusunullu isumaqatigiissuteqarpoq aammalu pisortat suliffeqarfiutaanni atuuttunik isumaqatigiissuteqarluni.
► Una tooruk isumaqatigiissutit takuniarukkit.
SIK siulersuisuuneqarpoq, taakkulu SIK-p malittarisassai malillugit ukiut sisamakkaarlugit ataatsimeersuarnermi aallartitanit qinerneqartarput.
Ataatsimeersuarnermut aallartitat tassaasarput peqatigiiffiit siulersuisuinit toqqakkat, oqaaseqarsinnaallutik taaseqataasinnaallutillu ataatsimeersuariaqataasartut.
Peqatigiiffiit taakku kattuffiup immikkoortortarai namminerisaminnik siulersuisoqartut.
► Una tooruk peqatigiiffiit allattorsimaffiat takujumallugu.
Peqatigiiffiit pingaarnertut suliassaraat ilaasortanut attaveqarneq, aammalu suliffeqarfinni tamani sulisut sinniiseqarnissaat qulakkiissallugu.
Sinerissami illoqarfinni nunaqarfinnilu 20-ni peqatigiiffeqarpoq. Peqatigiiffeqanngitsunilu inunnik attaveqaateqarneq kattuffimmi maanna ineriartortinneqaleruttorpoq.
