SIK-p nittartagaa una 2021-mi marsimi atulerpoq pisoqqap nutarterutaatut. Nittartagartaaq qarasaasiatigut paasissutissiinermik suliffeqarfik Malugiuk suleqatigalugu pilersinneqarpoq. Siunertaavoq ineriartortinneqartuassasoq suli atorluarsinnaanerulersinniarlugu – sinerissami SIK-ip peqatigiiffiini (immikkoortortaqarfiini) ingerlatsisut sulisullu sinniisaasa ”allaffimmik tallissutaattullusooq” atorsinnaaniassammassuk.
Oqaatsit nittartakkami atorneqartut arlariiupput ingerlaqatigiissut: Kalaallisut aamma qallunaatut. Kisianni quppernerit ataasiakkaat imarisaat kalaallisut qallunaatullu assigeeqqissaartuaannanngillat, tassami aamma allakkiat atortussallu innersuussutigineqartut assigiinngissuteqarsinnaasarmata.
Nittartagaq aamma tuluttoortaqarpoq (tuluit erfalasuannik ilisarnaasikkamik), kisianni kalaallisuumut qallunaatuumullu atanani immikkuullarissumik. Tassani kattuffiup aaqqissuussaaneranik, ingerlataanik tunuliaqutaanillu paasissutissat eqikkarlugit allaaserineqarput. Kattuffiup sinerissami immikkoortuinut attaveqarnermi paasissutissat allattorsimapput, kiisalu SIK-p aningaasaateqarfiinut qinnuteqarnermi immersugassat tuluttuut pineqarsinnaallutik.
Kattuffik aamma Facebookeqarpoq, nittartakkap saniatigut attaveqaqatigiinnermut oqallinnermullu atorneqartussiamik: facebook.com/sulisartut
Nittartakkamik atuisunit siunnersorneqartarnissarput isummersuutinillu tusartinneqartarnissarput pisariaqartipparput. Tlf. 32 21 33-ikkut saaffiginnittoqarsinnaavoq imaluunniit e-mailikkut [email protected]-imut allattoqarsinnaalluni nalunaaqutserlugu “Nittartagaq”.
Aamma ataani immersugassaq atorlugu saaffiginninnissannut tikilluaqqusaavutit: