Quppernermi uani angalatitsinerit assigiinngitsut marluk pillugit paasissutissanut qinnuteqarnermilu immersugassanut iserfissaqarpoq: 1) Ukioq allortarlugu angalanissamut akiliunneqarnerit, aamma 2) Makitsinikkut angalanerit. Atuaruk angalatitsinerit sulisunut kikkunnut atuunnersut – qinnuteqarnermilu immersugassaq immersoruk
► Ukioq allortarlugu akiliunneqarluni angalanerit
Sulisunut makkununnga atuupput (sulisitsisui angalanermut aningaasaateqarfimmut akiliuteqartarpata):
– Niuernermi allaffinnilu sulisunut.
– Meeqqerisunut isumaginninnermilu ikiortinut.
– Peqqinnissamut ikiortinut aamma ikorfartortinut.
– Oqalutsinut nutserisunullu.
– Teknikerit ukiut tamaasa akiliunneqarsinnaapput.
► Makitsinikkut angalanerit
Sulisunut makkununnga atuupput
(sulisitsisui angalanermut aningaasaateqarfimmut
akiliuteqartarpata):
SIK-p isumaqatigiissutai malillugit sulisuusunut,
sulisut ilaannut immikkoortunut sisamaasunut
ukioq allortarlugu feriefondimit akiliunneqarlutik
angalasinnaasunut ilaanngitsunut.
Ilisimassallugit pingaaruteqarsinnaasut
- Angallannermi kinguartoortoqartillugu akissarsianik annaasanik Feriefondi matussutissiisinnaava? Naamik. Angallannermi kinguartoornerit – teknikkimik silamilluunniit pissuteqartut – Feriefondip sunniuteqarfigisinnaanngilai.
- Feriefondi bilitsinik akikinnernik pisisarmat feriefondimit akiliunneqarluni angalasoq silamik, teknikkimik allamilluunniit pissuteqartumik akunnattoortoqartillugu Air Greenlandimit tunulliunneqariataarsinnaavoq. Tamanna pinngitsoortinneqarsinnaavoq nammineq akiliuteqarnikkut bilitsip akisunermut Premium-imut nuunneratigut.
►Una toorlugu tamanna pillugu Air Greenlandimit paasissutissat atuarsinnaavatit - Nerissutissat e-mailikkut nassiunneqartalerput: Air Greenland-ip timmisartuussinera kinguaattoorfiugaangat nerissutissat (e-voucher) (imaluunniit nerinissamut uppernarsaatit) e-mailikkut nassiunneqartalerput, neriniartarfinni takutillugit nerissutigineqarsinnaanngorlugit. Ilaasussaq sms-ikkut ilisimatinneqartassaaq nerissutissaq ilaasussap nammineq e-mailianut nassiunneqartoq.
►Una toorlugu tamanna pillugu Air Greenlandimit paasissutissat atuarsinnaavatit
SIK-p Sulinngiffeqarluni Angalanermut Aningaasaateqarfiata siulersuisui ukuupput: Siulittaasoq Sofie Svendsen, SIK, Else-Jonna Lange, SIK, Qulutannguaq Berthelsen, SIK, Morten Selvejer, Namminersorlutik Oqartussat, aamma siulittaasup tullia Rikke Frederiksen, Namminersorlutik Oqartussat.