Skip to content

2024-mi Sulisut Sinniisutsialaat pingasut

Jensigne Mathiassen

Grønberg Storch

Aviaq Geisler

Maanna kiisami taakku ilisaritippavut. ””Sulisut Sinniisutsialaat” 2024-p naalernerani SIK-p siulersuisuunerisa  toqqagaat. 

Toqqarne­qar­tut tamarmik immikkut diplominnatsinneqarput 3.000 kr.-inik aningaasartaqartinneqartunik (akileraa­rut peereerlu­gu): 

Jensigne Mathiassen, Royal Greenlandimi Ilulissani sulisut sinniisaat: 

Jensigne Mathiassen suleqatiminit Ilulissanilu SIP-mit inassutigineqarpoq. Pingaartillugu taaneqarpoq sulisut sinniisaattut eqeersimaartuusoq tamannalu sulisut suliffimminni pisinnaatitaaffiinik qulakkeerinninniarnermut iluaqutaasoq, aammalu SIK-mut ilaasortaanerup iluaqutissartaanik taakkartuisartoq.

Grønberg Storch, Meeraqqerivik Tikiusaami Aasianni sulisut sinniisaat: 

Grønberg Storch suleqatiminit Aasiannilu SIP-mit inassutigineqarpoq. Pingaartillugu taaneqarpoq sulisut sinniisaattut eqeersimaartuusoq, peqatigiiffik sulisut sinniisaannik ataatsimiisitsigaangat peqataajuartarluni aammalu sulisut suliffimminni pisinnaatitaaffiinik pingaartitsisuulluni.

Aviaq Geisler, Meeqqerivik Soralu-mi Nuummi sulisut sinniisaat: 

Aviaq Geisler Nuummi SIP-mit inassutigineqarpoq. Pingaartillugu taaneqarpoq sulisut sinniisaattut eqeersimaartorujussuusoq, sulisut sinniisaasa ataatsimiin-neranni peqataajuartarluni aammalu isumaqatigiissutit naapertorlugit pisinnaatitaaffiusunik suleqatiminut ilisimatitsiniartarluni. Tunuarsimaarnanilu isummaminik suliffimmi aqutsisuusumut saqqummiussisarpoq, tamannalu suliffimmi pissutsinut iluaqutaavoq.