Ukioq manna pikkorissarneq kingulleq decembarip aallartilaarnerani Ilulissani Hotel Arcticimi pivoq. Pikkorissartut 20-upput, pikkorissaasoralugit kattuffiup allattoqarfiani siunnersortit Susanne Olsen aamma Sussi C. Nordkvist.
2024-mi SIK-p sulisut sinniisaannik pikkorissaaneri naammassipput tunngaviusumik pikkorissaanerit kingullersaata ingerlanneqarneratigut. 2025-milu pikkorissarnissanik pilersaarut suliarineqaqqammerpoq.
2025-mi sulisut sinnisaannik pikkorissaanerit 7-t pilersaarutaapput. Tassa tunngaviusumik pikkorissarnerit 4-t aamma assigiimmik sulialinnut pikkorissaanerit 3-t. Taakkua saniatigut akkorderluni sulinermut aaqqissuussinerit pillugit ataasiarluni pikkorissaasoqarniarpoq, tassani peqataanissaq sanaartornermi sulisunit qinnutigineqarsinnaassalluni.
Tunngaviusumik pikkorissarnerit
Tunngaviusumik pikkorissarnissat sisamaasut ulluni tallimani ingerlanneqartassapput, assigiimmillu sulialinnut pikkorissaanissat ulluni sisamani ingerlanneqartassallutik. Akkordertarneq pillugu pikkorissarnissaq ulluni pingasuni ingerlanneqassaaq.
Tunngaviusumik pikkorissarnerit sapaatip-akunnerini ukunani pissapput:
- Sap. ak. 7 (10-14. februaari) Pikkorissarfik: Qaqortumi højskoli
- Sap. ak. 14 (31. marsi-4. apriili) Pikkorissarfik: Hotel Arctic
- Sap. ak. 21 (19-23. maaji) Pikkorissarfik: Hotel Arctic
- Sap. ak. 41: (6-10. oktobari) Pikkorissarfik: Hotel Arctic
Assigiimmik sulialinnut pikkorissaanerit
Assigiimmik sulialinnut pikkorissaanerit sapaatip-akunnerini ukunani pissapput:
- Sap. ak. 11 (10-14. marsi) Pikkorissarfik: Hotel Arctic. Peqataatinniakkat: Nalunaaquttap-akunnermusiallit ilinniagallit/ilinniagaqanngitsut
- Sap. ak. 26 (23-27. juuni) Pikkorissarfik: Hotel Arctic. Peqataatinniakkat: Qaammammusiallit suliassaqarfinnit assigiinngitsuneersut
- Sap. ak. 47 (17-21. novembari. Pikkorissarfik: Hotel Arctic. Peqataatinniakkat: GE-p isumaqatigiissuteqarfiini sulisut sinniisaat
Akkorderluni sulinermut aaqqissuussinerit pillugit pikkorissarneq
Akkordernermut tunngasunik pikkorissarneq sap. ak. 38-mi (15-19. septembari) på Hotel Arcticimi pisussatut pilersaarutaavoq. Peqataatinniakkat: Sanaartornermi sulisut assigiinngitsut.
Pikkorissarnernut tamanut tunngatillugu taasariallit:
- Pikkorissarnerni tamani 25-t tikillugit peqataasoqarsinnaavoq.
- Peqataaniartut qinnuteqarlutik immersugassaannik elektroniskiusunik SIK-p nittartagaanut inissiisoqassaq. Immersugassaq immersoriarlugu ”nassiuguk” tooraanni qinnuteqaat toqqaannartumik SIK-mut nassiunneqartassaq.
Pikkorissarnernut tamanut tunngatillugu allassimasassaaq qinnuteqaat kingusinnerpaamik pikkorissarnissaq qaammammik ataatsimik sioqqullugu SIK-mit tiguneqarsimasassasoq.
► Una tooruk pikkorissarnerit imarisaannik paasissutissat erseqqinnerusut atuarumallugit