SIK-mi ilaasortagut Mittarfeqarfinni, tassa Greenland Airportsimi sulisut aammalu Air Greenlandimi sulisut, mittarfimmi pisunut pisuutinneqaqattaarneri qatsulluinnarpakka – aamma taamaattussaanngilaq.
Tusartualerpara Greenland Airportsimi aammalu Air Greenlandimi ilaasortagut sulisinnaanngimmata inortueqataarmata ilaalu ilanngullugit aallariartortut sivisuumik utaqqisariaqartartut, ilaalu ilanngullugit.
Matumuuna erseqqissaatigerusuppara ilaasortagut suliffimminnut ataqqinnillutik aammalu sullarillutik suliartortuartut ulluni makkuna pisunut minnerpaamilluunniit pisuussuteqanngimmata.
Ullunili makkunani pisunut akisussaannerpaat tassaapput suliffeqarfimmi qullersat. Tassalu pilersaarusiortut aammalu sulisut pikkorissartinneqarnerannut aallagartat nutartertuarnissaannut suliaqartussat akisussaasut, taakkuummata qullersat ulluni makkunani Mittarfeqarfinni pisunut pilersaarusiornerlunnerannut pisuusut.
Taamaammat Ilaasortatsinnut suliartortuartunut pisuutitsineq unitsinneqartariaqarpoq. Ilami taakkuulluni tujorminassaqaaq pisunut ullut taamasa soorlulusooq akisussaatinneqartitsiniartuarneq.Akiussaasut suliffeqarfimmi qullersaasut akisussaaffitsik tiguniarlissuk qanorlu iliuuseqarlutik, sulisunullu pisuutitsineq unitsinneqarniarli.
Jess G. Berthelsen
SIK-p siulittaasua