Ukiut ingerlanerini sulisut sinniisaasa pikkorissartarsimasut ilamininngui.
Peqatigiiffiit tamarmik periarfissaqalerput innersuussinissaminnut ”2025-mi sulisunut sinniisutsialammik”. Toqqaanissaq aallaaveqassaaq SIK-mi peqatigiiffiit inassuteqarnerannik.
Toqqaasoqarnissaanut makku pingasut piumasaqaataapput:
- Sinniisutut sulisup suleqataaffigisimassavaa suliffeqarfimmi suleqatigiinnermik pitsaasumik ingerlatsinissaq, sulisitsisumullu attaveqarluarnissaq.
- Sinniisullu toqqarneqartussap sulissutigisimassavaa suunukua SIK-imut ilaasortaagaanni, iluaqutaasartut, aammalu
- Sinniisup toqqarneqartussap suleqatinut isumaqatigiissutit aallaavigalugit pisinnaatitaaffiinik siammarterilluarsimasoq il.il ataqqineqartorlu suleqatit akornanni.
Ukiup sinniisuatut innersuussinissamut piffissamut killigitinneqarpoq 5. januaari 2026.
Innersuussineq uunga nassiunneqassaaq: [email protected] – paasissutissat makku ilanngullugit.
- Toqqarneqartup aqqa kinguliaalu.
- Innersuunneqartup suliffeqarfia.
- Tunngavilersuutigineqassaarlu sooq taannarpiaq ”ukiup 2025-mi sinniisutut” inassutiginerlugu.
Apeqqutissaqassagaanni attavigineqarsinnaavoq siunnersorti Marie Kielsen Hansen, [email protected] imaluunniit oqarasuaat 34 93 25.