Nuummi sulinermik inuussutissarsiuteqartut peqatigiiffiata NSIP-p siulittaasua Peter B. Mølgaard aamma Kommuneqarfik Sermersuumi borgmesterip tullia siulleq Poul Petersen sapaatip-akunnerani kingullermi ataatsimiipput.
Ataatsimiinneq peqatigiiffiup kissaateqarneratigut pivoq, taamaalilluni sulisartut peqatigiiffiata soqutigisai assigiinngitsut tusartinneqarsinnaaniassammata.
Ataatsimiinnermi anngunneqarpoq Nuummi innuttaasut siunissami ungasinngitsumi 30.000-inngornissaannik anguniakkatut oqaatigineqartarsimasup kingunissai siulersuisut ernummatigigaat. Peqatigiiffilli borgmesterip tullianit paasitinneqarpoq tamanna immini kommunimi anguniagaanngitsoq.
SIK-p aamma Atorfillit Kattuffiata (AK) ataqqeqatigiinnissamik isumaqatigiissutaat eqqartorneqarpoq, isumaqatigiissutaasullu ataqqineqarnissaata pingaaruteqarnera kommunip sulisoqarnermut allaffianut ingerlateqqikkumallugu Poul Petersen neriorsuivoq. Aamma sulisut sinniisaasa anngutitikkusutaat oqaloqatigiissutigineqarput, taakkualu malitseqartinneqarnissaat siunniunneqarluni.
Sulisitsisut aamma sulisut sinniisaasa ataatsimoorlutik pikkorissarnissaat pillugu Kommuneqarfik Sermersooq suleqatiserineqarpoq – tamannalu aamma eqqartoqqissamaarneqarpoq.