Marluullutik nipilersoqatigiit SAUWESTARI Katuami aliikkusersuisuupput.
Assilisat maaniittut ukioq manna Nuummi Qasigiannguanilu maajip aallaqqaataasiornermit pisuupput.
Nuummi pisarnertut ingerlaaqatigiipput, tamatuma kingorna Katuamut katersuullutik, tassani oqalugiartoqarluni nipilersortoqarlunilu.
Tassani SIK-p siulittaasua Jess G. Berthelsen oqalugiartut siullersaraat – oqalugiaataa una toorlugu atuarneqarsinnaavoq. Tamatuma kingorna uku oqalugiarput: NSIP-p siulittaasua Peter B. Mølgaard, sulisut sinniisaat Juliane M. Petersen aamma Paninnguaq Bech-Poulsen, naalakkersuisut siulittaasuat Jens Frederik Nielsen, borgmester Avaaraq S. Olsen, Aleqa Hammond (Siumut), Gert Mikaelsen (Demokraatit), Bentiaraq Ottosen (Atassut) aamma Múte Bourup Egede (IA).
Marluullutik nipilersoqatigiit SAUWESTARI aliikkusersuisuupput.
Ulloq taanna Qasigiannguani sulisartut peqatigiiffiata illuutaata saniani aappalaartuleqatigeeriarlutik ullaakkorsioqatiipput.
► NSIP-p siulittaasuata Peter B. Mølgaardip oqalugiaataa – una tooruk
NSIP-ip siulittaasua, Peter B. Mølgaard, aamma sulisut sinniisaat Paninnguaq Bech-Poulsen aamma Juliane M. Petersen.
Naalakkersuisut siulittaasuat Jens Frederik Nielsen Katuami. Assilisaq talerperleq: Qasigiannguani aappalaartuleqatigiinnermit.
Matuma qulaani: Borgmester Avaaraq S. Olsen Katuami. Assilisaq talerperleq: Qasigiannguani sulisartut peqatigiiffiata illuani ullakkorsioqatigiinnermit.
Qasigiannguani sulisartut peqatigiiffianni ataqqinaammik ilaasortat Lea Petersen aamma Ole Madsen tunissuteqarfigineqarput.
