GE-mik isumaqatigiinniarnerit naammassivipput. Sulisitsisut namminersortut kattuffiannik isumaqatiginninniarnerit naammaginartumik angusaqarfiupput.
Tamanna pivoq isumaqatigiissutit piffissamut 2026-mit 2029-mut atuuttussanngorlugit isumaqatigiissuteqarfinnut pingaarnernut pingasunut nutarterneqarneranni, ukununnga: 1) Niuernermi allaffinnilu sulisut, 2) kiffartuussinermi assartuinermilu sulisut, aamma 3) tunisassiortut aamma sanaartortut, vvv innaallagisserisullu entreprenørillu.
Sulisut tamarmik akissarsiaat soraarnerussutisiassanillu katersugaat 10 procentinit amerlanerusunik qaffanneqassapput ukiut pingasut ingerlaneranni. Ilinniartut akissarsiaat 16 procentinit amerlanerusunik qaffanneqassapput.
Sulisitsisup soraarnerussutisiassanut akiliutai 1. apriili 2028-mit 1,2 procentimik qaffanneqassapput katillugit 11,25 procentinngortillugit.
SIK-p kissaatiginartippaa hotelini neriniartarfinnilu sulisut aammattaaq immikkut isumaqatiiissuteqarfigineqassasut. Taamaattumik GE-p SIK-llu siunniuppaat tamatumunnga periarfissarsiortoqassasoq.
► Una tooruk isumaqatigiissutit nutaat pineqartut aajumallugit