SIK-p ingerlatai aningaasaateqarfiilu pillugit ataatsimoortumik paasisaqapallannissamut ikiuutissatut kattuffiup allattoqarfiani suliarineqaqqammerput allagarsiussassat allagartarsuarlu, peqatigiiffiit sulisullu sinniisaasa suliffeqarfinnut allanullu nivinngaatitersinnaasaat.
Tamatumani pineqarput allagarsiussassat A4-t assigiinngitsut pingasut, peqatigiiffiit kattuffillu pillugit paasissutissanik assigiimmik imaqaraluarlutik tamarmik immikkut aamma uku pillugit paasissutissartaqartut:
- Sulisunut sinniisuuneq
- Isumaginninnermut aningaasaateqarfik
- Sulinngiffeqarluni Angalanermut Aningaasaateqarfik
Allagarsiussassat peqatigiiffinnut nammineq anillatsinneqarsinnaanngorlugit nassiunneqassapput, aammalu sulisut sinniisaasa pikkorissarnerini agguaanneqassallutik.
Tamatuma saniatigut allagartarsuarmik naqiterisitsisoqalerpoq, tassani Isumaginninnermut aningaasaateqarfik, Sulinngiffeqarluni angalanermut aningaasaateqarfik, Qaammarsaanermut ilinniartitaanermullu aningaasaateqarfik (QIA) aamma SIK-p Inuusuttai pillugit ataatsimoortumik paasissutissaqassalluni. Allagartarsuaq peqatigiiffinnut nassiussuunneqassaaq suliffeqarfinni annerni nivinngaatiterneqarnissaa siunertaralugu.
Allagarsiussassat allagartarsuarlu tamarmik kalaallisut qallunaatullu suliaapput.
► Una tooruk allagarsiussassaq A4 una aajumallugu: Sulisunut sinniisuuneq
► Una tooruk allagarsiussassaq A4 una aajumallugu: Isumaginninnermut aningaasaateqarfik
► Una tooruk allagarsiussassaq A4 una aajumallugu: Sulinngiffeqarluni angalanermut aningaasaateqarfik