SIK-p akuersaarsinnaanngilluinnarpaa avataaninngaanniit suliartorsinnaanerup maani nunatsinni ajornannginnerulersinniarneqarnera.
Tassami avataaninngaanniit suliartorsinnaaneq ajornannginnerusunngortinniarneqarpat, imaasiinnarlunilu tikisitsinissaq ajornannginnerulerpat, taava assigiinnarpaa nunani allani sulisussanik tikisitseqattaaginnarutta, nunarsuarmioqatittami ilaanni ilinniarsimasunik suliffissaaleqisorpassuaqarmat.
SIK isumaqarpoq maannakkut avataaninngaanniit suliartortut killilersimaarneqarnissaannut inatsit allanngortinneqanngilluinnassasoq. Tassami imaasiinnarluta avataaninngaanniit tikisitsisalerutta suliniuteqarunnaassaagut, soorlu sinerissami suliffissaaleqiffiusuni sulisussaaleqiffiusunut suliartortitsisarnissaq suliniutigineqartariaarutissaaq.
Aamma ilinniartitsinermi periaatsit allanngorluinnarsinnaanerat ernummatigaarput, tassami sulluta ilinniartitsissaagut avataaninngaanniit imaasiinnarluta ilinniarsimasunik tikisitsisinnaassagutta?
Taamaattumik Naalakkersuisuvut inakkusuppavut maannakkut qallunaat naalakkersuisuisa nunatsinni pissutsinut akulerullutik avataaninngaanniit suliartorsinnaanermik ajornannginnerulersitsiniaanerannut akuersaaqqunagit.
Jess G. Berthelsen
Kattuffiup siulittaasua