Sulinngiffeqarluni Angalanermut Aningaasaateqarfiup allattoqarfianit ilisimatitsissut una ingerlateqqeqquneqarpoq:
Feriefondimut qinnuteqarsimasunut septembarillu qulingiluaani makitsinerup kingorna nalunaarfigineqarsimanngitsunut tamanut:
2023-mi angalasussanngorlutik makitaasut sms-ikkut tamatuminnga ilisimatinneqareerput. MAKITAASIMANNGITSUT oktobarip qiteqqunnerani aamma sms-ikkut nalunaarfigineqarumaarput.
Makitsisarnerni ilisimatitsisarnernilu periaatsit ukiuni makkunani iluarsineqaqattaarput. Misissueqqittoqartariaqartarmallu (tamannalu piffissaqarfigisariaqarmat) Feriefondimut sullissisut aalajangerput makitaasimanngitsunut ilisimatitsinissaq oktobarimi pissasoq.