SIK-p siulittaasua naalakkersuisunut ammasumik allagaqarpoq Polaroilip illunut orsussamik pajuttuinermi periarfissinneqarnissaa kajumissaarutigalugu. Allagaq imaappoq:
Paasitinneqarpugut maannakkut Ilulissani illunut kiassarnermut orsussamik pajuttuisartoq Ilulissat Olietransport 450 literit ataallugit orsussamik pajunniaruni pajutsinermut ataatsi-mut 450 kr.-inik immikkut akiliuteqartitsisalersimasoq.
Tamanna SIK-mi ilaasortatsinnut annertuumik eqquisussaavoq. Isumaqarpugut orsussa-mik pajuttuisartup kisermaassinini taamaalillugu atornerlukkaa. Taamaammat matumuuna Naalakkersuisut kajumissaarniarpavut Polaroil-ip (KNI A/S-ip orsussamik pilersuinermik ingerlatsiviata) orsussamik pajuttuisinnaaneranik ammaasseqqullugit, Ilulissaniinnaanngit-soq, aammali illoqarfinni allani.
Ilami Ilulissani akigitinneqartoq appartinneqanngippat ilaasortavut ulluinnarni inuuniarnerminni annertoorujussuarmik eqqorneqartussaapput.
Tamatumunnga sanilliullugu taaneqarsinnaavoq Nuummi orsussamik pajutsinneq literimut 15 øreqarmat.