Piffissami sivitsortumi Royal Greenland sulisussaaleqilerlunilu akuttunngitsumik inuiaqatigiinnut tusagassiuutitigut nalunaartarpoq.
Taamattorli maannakkut Ilulissani ilaasortavut maanaannaq angerlartinneqarput. Taamaattumik Royal Greenland nammineq aamma pisooqataanngitsuunngilaq taamatut sulisussaaleqisarnerminut. Tassami kia suliffigerusussavaa suliffeqarfik taamatut piffissaanngitsukkut angerlartitseqattaartuartoq?
Ilaasortavummi suliffeqarusupput ataavartumik, nalunagu suliffik ukioq kaajallallugu suliffigisinnaallugu. Minnerpaamimmi ukiumut ilivitsumut aamma ilaasortavut pilersaarusiorusuttarput.
Royal Greenlandilu pikkorinnerusariaqarpoq ataavartumik aalisakkerivimmini sulisitsisassalluni.
Jess G. Berthelsen,
kattuffiup siulittaasua
Aamma atuaruk: “Saqqami sulisut angerlartitaapput” (16. novembari 2018)