Nanortalimmi sulisartut peqatigiiffiat apriilip naalernerani ataatsimeersuarpoq. Suliniutissatullu kaammattuutigineqartut ilagaat inuusuttunik ilaasortassarsiornissaq.
Siornatigut siulittaasuusimasoq Otto Lundblad siulittaasunngoqqippoq. Siulersuisut nutaat qinerneqartut sinniisussaallu assimi takuneqarsinnaapput.
Saarliit saamerlermit: Pavia Johansen (sinnniisussaq), Rosánguaq Abelsen (sinniisussaq), Agathe Kleist aamma Aka Thorsteinsen. Tunorliit saamerlermit: Marius Simonsen Lange, Mikisuluk Semsen (siulittaasup tullia), Hans Petersen (sinniisussaq) aamma Otto Lundblad (siulittaasoq).
Inuusuttunik ilaasortassarsiornissap saniatigut makku aammattaaq sulissutigineqarnissaat kaammattuutigineqarpoq: Suliffeqarfinnut ornigulluni ilaasortassarsiornissaq qaammarsaanissarlu, sulisut sinniisaannik ataatsimiisitsisarnerup ingerlatiinnarneqarnissaa suliffeqarfinnilu sulisut sinniisaannik toqqaasarnerup siuarsarneqarnissaa.