Taama taaguuteqarpoq assiliaaraq juullimi pilluaqqussut SIK-p siulittaasuata Jess G. Berthelsenip sulisartut peqatigiiffiinut tamanut kattuffimmilu sulisunut ukioq manna e-mailikkut nassiussaa. Assiliaaqqamik tamatumuuna qalipaasuuvoq eqqumiitsuliortoq Kaj Rosing Carlsen.
Assiliaq immini oqaluttuarpoq. Amerlasuulli aqissit juullip ukiortaallu nalaannut alianaatsumut tunngatittarpaat – asimi naammattuugassaasartut angerlarsimaffinnilu nerilluaatigineqartartut.
Frederik Kristensen (Kunngi) ukiuni qulingiluani SIK-p juullimi pilluaqqussutissaanik assiliaaraliortarsimavoq. 2021-mi toqummat ukiumi tassani juullimi pilluaqqussut Kunngip ukiuni siuliini pilluaqqussusiarisimasaanik katersukkanik assiliartaqarpoq.
”Kaj Rosing Carlsen ukioq manna pilluaqqussummik qalipaanissamut akuerseriarmat aamma tassa qangaammalli juullimut pilluaqqussutissamut eqqumiitsuliortortaaratarpugut,” siulittaasup allattaa Estrella Mølgaard Thomsen taama unnersiorpoq.
Assiliaaraq ukioq manna juullimi ukiortaassamilu SIK-mit pilluaqqussut Kaj Rosing Carlsenip qalipagaraa.