Sinerissami illoqarfinni nunaqarfinnilu arlalinni sulisartut nunarsuaq tamakkerlugu ulluat 1. maaji malunnartinneqassamaarpoq, soorlu Nanortalimmi, Qaqortumi, Nuummi Ilulissanilu nal. 13-imit.
Nuummi illoqarfiup qeqqani nal. 13.00 Amisunit aallartilluni ingerlaaqatigiinneqassaaq, tamatumalu kingornatigut Katuami katerisimaartoqassalluni oqalugiaqattaartoqassallunilu. SIK-p siulittaasua Jess G. Berthelsen oqalugiartuni aallarniissaaq.