SIK-p feriefondianit MAKITSINIKKUT angalanernut 2026-mi pisussanut qinnuteqarsinnaaneq ukioq manna aallartissaaq ataasinngornermi 16. juuni nal. 8.00 – taamaalippat qinnuteqarnermi immersugassaq SIK-p nittartagaani ammarneqassalluni – qinnuteqartoqarsinnaassallunilu 2. septembari nal. 12-ip tungaanut.
Paatsuungasoqartaannarmat ippassaq Facebookikkut erseqqissarneqarpoq SIK-p feriefondiata angalatitsisarneri assigiinngitsut marluummata: 1) Makitsinikkut angalanerit aamma 2) Ukioq allortarlugu akiliunneqarluni angalanerit.
Ukioq allortarlugu angalanerit taakku sulisunut qaammammusialinnut aalajangersimasunut naatsorsuussaapput, ukununnga: Niuernermi allaffinnilu sulisut, meeqqerisut isumaginninninnermilu ikiortit, peqqinnissamut ikiortit aamma ikorfartortit kiisalu oqalutsit nutserisullu. Teknikerit ukiut tamaasa akiliunneqarsinnaapput. Taakkua qinnuteqarnermi immersugassaat SIK-p nittartagaani ukioq naallugu ammasarpoq.
► Paasissutissat pisariaqartut tamarmik pineqarsinnaapput una toorlugu: https://sik.gl/sik-pillugu/aningaasaateqarfiit/sulinngiffeqarluni-angalanermut-aningaasaateqarfik/