Sisamanngornermi 28. apriili 2022 Maniitsumi sulisartut peqatigiiffiata siulittaasua Elisabeth L. Hansen Royal Greenlandip fabrikkiani sulisunut pulaarpoq.
Pulaarnermi siunertaavoq sullivimmi tassani sulisut sinniisussaannik qinersisitsinissaq.
Taamaalilluni sulisut sinniisaat nutaat sisamat qinerneqarput. Aammali Elisabeth periarfissarsivoq SIK-mut ilaasortaaneq pillugu sulisunik oqaloqateqarnissaminut. Tamatumalu kingunerisaanik arfineq-marluk nutaat sulisartut peqatigiiffiannut ilaasortanngorput.
Maniitsumi SIP-p siulittaasua Elisabeth L. Hansen Royal Greenlandimi sulisunik ataatsimeeqateqartoq.
