Atlantikup avannaamiuisa sulisartoqarnikkut naapeqatigiittarnerannut Islandimit, Savalimmiunit nunatsinnillu peqataaffigineqartartumut SIK ilaasarpoq. Sapaatillu-akunnerani qaangiuttumi ataatsimiipput, tamatumuuna Nuummi.
Suleqatigiiffik NAASIS-imik taagorneqarneq. Tassani nunani pingasuusuni sulisartut kattuffiisa soqutigisaqaqatiigiiffii assigiinngitsut sammineqartarput – inuussutissarsiutinik ineriartortitsinikkut, isumaqatigiissuteqartarnikkut il.il.
Ataatsimiisitsineq paarlakaalluni isumagineqartarpoq – ukioq mannalu SIK ataatsimiisitsisuuvoq.
Ataatsimiinnerup kingorna asiaqatigiittoqartarpoq, ukioq mannalu Nuup Kangerluanut pulapput Qooqqunilu ullup-qeqqasioqatigiillutik. Aamma Nunatta Katersugaasivianut pulaarput. Aappaagu ataatsimiinnissaq Savalimmiuni pissaaq, aggustimi.
