SIK-p feriefondianit angalanissamik qinnuteqaraanni taannalu nunanut allanukassutigerusullugu, maannamut Københavnimukarnissaq toqqagassatuaagaluarpoq. Maannali – angallannikkut periarfissat nutaat atulermata – aammattaaq nunatsinnit toqqaannartumik Billundimut, Aalborgimut imaluunniit Islandimi Keflavikimut timmisartornissaq toqqagassaalerpoq.
Tamanna atuuppoq ukioq allortarlugu akiliunneqarluni angalanernut, taamalu qinnuteqarnermi immersugassaq taakkununnga tunngasoq SIK-p nittartagaaniittoq iluarsineqareersimalerpoq toqqaannartumik ornigassat taakkua arlaat toqqarneqarsinnaanngorlugu.
Makitsinikkut angalanernut tunngatillugu toqqagassat nutaat taakku pingasut ilanngunneqarumaarput qinnuteqarnermi immersugassaq nutaaq juunimi 2026-mi saqqummiunneqariarpat.