Nuummi napparsimasunut akunnittarfik 25.000 kr.-inik tunineqarpoq isersimaartarfimmi sofamik pisinissaminut.
Kalaallit Nunaanni Peqqinnissaqarfimmit qujassutaasumik imaattumik allagarsivugut:
”SIK-ip Isumaginninnermut Aningaasaateqarfianit tunissut 25.000 koruuninik nalilik Nuummi napparsimasunut akunnittarfimmi sofamik pisinissamut atugassaq Peqqinnissaqarfimmi qullersat nuannaarutigeqalugu tiguaat.
Tunissut kusanaqisoq Peqqinnissaqarfimmi qullersat napparsimasut sulisullu sinnerlugit qujamasuutigeqaat. Napparsimasunut akunnittarfimmi aqutsisut nutaarsiassamik nuannersumik tamatuminnga kallerrinneqareerput sofamillu pisiniarneq aallartinneqareerluni.
Kingorna sofa pissarsiarineqareerpat atorneqalerpallu tunissut Peqqinnissaqarfiup avammut saqqummiussisarfiinit nalunaarutigineqassaaq.
Qujanarujussuaq.”
Allakkamut atsiortuupput direktør Joanis Erik Køtlum, nakorsat qullersaat Berit Bjerre Handberg aamma peqqissaasut qullersaat Ella Skifte.
Isumaginninnermut aningaasaateqarfiit pillugit paasissutissat – una tooruk.