Nuummi SIK-p peqatigiiffianit oqaaseqaat:
Meeqqerivinni sulisut eqqartorneqartillugit perorsaasut qineqqusaarnermi ukkatarineqartarput. Taakkuli kisimik meeqqerivinni sulisuunngillat. Qineqqusaartut qineqqusaarnerminni perorsaasut akissaataasa qaffannissaat oqariartuutigisarpaat. Tamannalu aamma uani qineqqusaarnermi qaqileqqinneqarpoq.
Puigussanngilarpulli meeqqerivinni isumaginninnermik ikiortit igaffimmiut ilinniarsimanngittullu taakkuummata meeqqerivinni sulisut arpasukaaginnaq ingerlasut.
– Perorsaasut neriorsorneqartarput qineqqusaarnerni akissaatitigut qaffaavigineqassasut, ilaasortavut meeqqerivinni sulinngippata meeqqeriviit ingerlasinnaanngillat aamma sulisussaqarnavianngillat, taamaattumik eqqaamaneqartariaqarpoq perorsaasut kisimik meeqqerivinni sulisuunngmmata. Taama oqarpoq NSIP-mi siulittaasoq Sofie Svendsen.
Ajornanngittumik perorsaasut akissaatitigut qaffaavigineqarsinnaanerat qineqqusaarnerit ingerlanerini neriorsorneqartarput, tamannali pillugu aamma meeqqerivinni sulisuusut allat taama oqariartuuteqarfigineqartannginnerat NSIP-mi siulittaasup pissusissamiisuunngissoraa. Ima isumaqarmat sulisut aalajangersimasut kisimik qineqqusaarutigineqartut.
NSIP-miillu isumaqatigiinniarnissani tulliuttuni isumaginninnermik ikiortit igaffimmiut ilinniarsimanngittullu aamma eqqaamaneqartariaqartut Aningaasaqarnermut naalakkersuisuutitaqalerumaartussat Naalakkersuisunngortussamut qaffaaqqusinermik tunuliaqutsiinissartik eqqaamassagaat neriuutigineqarpoq.
Ulloq 10. marsi 2025
Sofie Svendsen
NSIP-mi siulittaasoq
Mobil: 55 17 40
Oqaaseqaammut tapersiutit
► Qaqortumi SIP-mit – una tooruk
► Aasianni SIP-mit – una tooruk