Pikkorissutsimut tapit Avannaata Kommuniani maanna inuttalerneqarput

Ukiut tallimanngulillartullu SIK-mut ilaasortaasunut 23-nut pikkorissutsimut tapit inissinneqarput.

SIK-p allattoqarfianit kattuffiup immikkoortortaqarfiinut nalunaarutigineqaqqammerpoq pikkorissutsimut tapit 2016-imi atunngitsuukkat SIK-mut ilaasortanit 23-nit Avannaata Kommuniani najugaqartunit qinnutigineqarsimasut kiisami tunniunneqarsimalersut.

Qaasuitsup Kommunerisimasaa (maanna Avannaata Kommunia) SIK-p uteriiserfigiuarsi­ma­vaa tapisiaqalersitsinissaq naammasseqqullugu.

Maannalu iluatsippoq. Suliaq naammassisutut inissinneqarpoq. Qinnuteqarsimasullu taakkua 23-usut tapisiassaat kingumoortumik 1. apriili 2018-imit atuutilersinneqarput.