Pia Storch Rafaelsenip siulittaasutut tunuarniuteqarnerata kingunerisaanik Qasigiannguani sulisartut peqatigiiffiat siulittaasortaarpoq, tassa Gaba Rosbach.
Tamanna pivoq peqatigiiffiup ileqquusumik ataatsimeersuarnerani ulloq 7. maaji 2025. Siulersuisunngortut matuma qulaani assimiipput.
Tunorliit saamerlermit: Petra Rosbach, siulittaasup tullia Mette L. Nikolajsen, siulittaasoq Gaba Rosbach aamma Peter Samuelsen.
Saarliit saamerlermit: Angutinnguaq Sandgreen (sinniisussaq) aamma Qillaq L. Geisler.
Ataatsimeersuarnermi sulissutigisassatut taaneqartut ilagaat inuusuttunik ilaasortassarsiornissaq, suliffeqarfinnut ornigulluni ilaasortassarsiornissaq suliffeqarfinnilu sulisut sinniisaannik toqqaasarnerup siuarsarneqarnissaa.