Ukiorpassuanngortuni siulittaasoq Anda Kristiansen qinigassanngorteqqinngilaq, taamalu Niels Wille siulittaasunngorpoq.
Niels Wille Qeqertarsuarmi sulisartut peqatigiiffianni siulittaasunngorpoq. Tamanna pivoq februaarip 24-ani peqatigiiffiup ataatsimeersuarnerani siulersuisunik nutaanik qinersisoqarmat.
Siulersuisooqataalersut allat tassaapput siulittaasup tullia Allan Skifte, allatsi Ole Tobiassen, kiisalu siulersuisunut ilaasortat Jokum Zeeb aamma Dina Christiansen.
Anda Kristiansen taamaalilluni Qeqertarsuarmi sulisartut peqatigiiffianni siuttooqataajunnaarpoq. 1991-imilli sallersaasunut tassani ilaasimavoq, tassa sulisut sinniisaattut toqqagaaqqammerluni aamma sulisartut peqatigiiffianni siulittaasutut qinigaagami.
Anda Kristiansen aamma SIK-p siulersuisuunerinut ilaasortaavoq 2009-mit 2017-imut.Anda Qeqertarsuarmi siulersuisunut qinigassanngorteqqinniarnani aalajangersimagami, ukioq manna soraarninngortussaariarami. Kisianni ataatsimeersuartunit ataqqinaammik ilaasortanngortinneqarpoq. Tamannalu pillugu Anda pilluaqqungaarparput.