SIK-p siulersuisuuneri ukioq manna ataatsimiinnerisa pingajussaat pivoq ulloq 10. aggusti, Qeqertarsuarmi. Taamaalilluni ileqquulersimasoq malinneqarpoq, tassa siulersuisuunerit nalinginnaasumik ataatsimiittarnerisa ukiumut sisamaasut ilaat ataaseq illoqarfiup kattuffiup allattoqarfigisaata avataani ingerlanneqartarluni.
Tamatuma saniatigut innuttaasunik katersortarfimmi ataatsimiisitsineqarpoq innuttaasut ilaannit 35-nit orniguffigineqartumik. Taamattaaq illoqarfimmi sulisartut peqatigiiffianni siulersuisut sulisullu sinniisaat ataatsimeeqatigineqarput. Aamma suliffeqarfiit arlallit pulaarneqarput.
Siulersuisuunerit Qeqertarsuarmiinneranni aammattaaq Feriefondip aamma Qaammarsaanermut Ilinniartitaanermullu Aningaasaateqarfiup siulersuisui ataatsimiipput.
Innuttaasunik ataatsimiisitsinermit: SIK-p siulittaasua Jess G. Berthelsen saqqummiileruttortoq. Qeqertarsuarmioq Morten Mølgaard koorinnatsinneqartut aapparaat, tassa ataatsimiigiat koorinik marlunnik tamulugassanik tamalaanik imalinnik makitsigamik. – SIK-p allattoqarfiani receptionisti, Inge Lennert, kattuffiup pialuutaanik tammajuitsussanik tunioraasoq.
