Qeqertarsuatsiaani sulisartut peqatigiiffiat peqatigiiffittut SIK-mut atasutut atorunnaarpoq. Taamalu nunaqarfimmi SIK-mut ilaasortat Nuummi sulisartut peqatigiiffiannit NSIP-mit maannamit sullinneqalissapput.
SIK-p siulittaasuata tullia Jokum Zeeb taama nalunaaruteqarpoq peqatigiiffiup siulittaasuanut Janny Noahsen Møllerimut siulersuisoqataanullu, SIP-p malittarisassaani paragraf 27 innersuussutigalugu.
Tassani aalajangersagaavoq peqatigiiffik kattuffimmut atasoq ikinnerpaamik 35-nik ilaasortaqassasoq. Ukiunilu kingullerni marlunni ilaasortat 35-nit ikinnerusimapput. Taamalu ulloq 11. marsi 2025 nunaqarfimmi peqatigiiffiup siulersuisui nalunaarfigineqarput SIP Qeqertarsuatsiaat peqatigiiffittut atorunnaartoq.
-Tamanna tunngavigalugu aamma ilanngullugu nalunaarutigissavara Qeqertarsuatsiaani ilaasortat Nuummi peqatigiiffimmit sullinneqalermata. Taakku NSIP-mit attavigineqarumaarput, Jokum Zeeb qeqertarsuatsiaarmiunut taama ilisimatitsivoq.
► Peqatigiiffiit pillugit paasissutissat uaniipput: https://sik.gl/attavigitigut/peqatigiiffiit/