Ilaasortanut ilaasortanngorusussinnaasunullu attaveqarluarnerunissaq siunertaralugu inoqatinut attaveqaat Facebook SIK-ip atulerpaa.
SIK Facebookeqalerpoq. Siunertaavoq nittartagaq taanna ineriartortinneqartuassasoq atorluarsinnaanerulernissaa siunertaralugu. Ineriartortitsineq tamanna pissaaq kattuffiup allattoqarfiani maani – taamaattumik siunnersuutissaqaraangassi, isorisassaqaraangassi imaluunniit nersualaarutissaqaraangassi nangaanasi tusartittarniarisigut.
SIK-mi Facebookilerisoq Inge-Marie Rosing ima ilisimatitsivoq:
Maajip aallaqqaataani pisussat sinerissamiit nassiussat siammartigassanngorlugit quppernermi piareereerput ullaap tungaani nal. 9-miit siammartilissallutik 5 minutsikkaarlutik tulleriaattussanngorlutik
Allattoqarfimmi sulisut assitalerlugit album ikkussuutereerpoq.Immikkoortortaqarfiit ingerlariaqqiffissaalu ilanngullugit immikkut qallunaatut kalaallisullu note-tut aamma quppernermi pilersereerput. Maluginiagassaassooq piffimmi tulliuttumi “Apeqqutigineqarajuttut” planlagt opslag-itut ikkussuuterusaarneqarmata. Automatiskimik ikkussuuterusaalissapput 6. maajip kingorna, sapaatip-akunneranut ataaseq siumut pilersaarusioreerlugu piareereerlutik ikkunneqarnikuupput.
Ineriartorterusaarnera ingerlanneqassaaq, taamaattumik siunnersuutissaqarussi / uparuagassaqarussi tunuarsimaanngilluinnartarisi.
Uani misissuataarsinnaavarsi: synes godt om-eriarlugulu siammartersinnaavarsi: https://www.facebook.com/sulisartut
Periusissanut arlalinnut ilaasoq
Facebook SIK-p digitalimik attaveqaataanut arlalinnut ilaavoq. Nittartagaq www.sik.glkattuffiup pisortatigoortumik paasissutissiisarfigaa paasissutissanik tamalaanik aalajangersimasumik aallerfigineqarsinnaasoq. Facebookilu inoqatinut attaveqaatitut atuutissaaq, ilaasortanut attaveqarnermut oqilisaataasussaq ilaasortassarsiornermullu iluaqutaasussaq.
SIK-mut ilaasortaanerup inuusuttut utoqqaallu akornanni suli aamma ullutsinni iluatinnaateqarluarneranik atorfissaqarneranillu paasinninnermut Facebook aamma SIK-p nittartagaa peqatigiillutik siuarsaaqataaniassapput.
Sulisartut peqatigiinneranni naleqartitat, ataqatigiinneq nammaqatigiinnerlu, inoqatinut attaveqaatip Facebookip nittarsaattassavai SIK-p immikkoortortaqarfiisalu iliuuserisartagaasa kissaatigisaasalu saqqumilaartinnerisigut – assersuutigalugit ilaasortanik ataatsimiisitsinerit sammisaqartitsinerillu (soorlu maajip aallaqqaataasiornerit aammalu ilaquttanut ilaasortanngorusussinnaasunullu kajumissaataasumik katerisimaartitsinerit), sulisut sinniisaasa suliffinni pingaarutaat minnerunngitsumillu immikkoortortaqarfiit allaffiini sulineq.