Sulinermik inuussutissarsiuteqartut kattuffiata SIK-p siulersuisuunerisa ukiaanerani ataatsimiinnissartik sapaatip-akunnerani uani Nanortalimmi ingerlanniarpaat. Tamannalu iluatsillugu illoqarfimmi nunaqarfinnilu pingasuni innuttaasunik ataatsimiisitsissamaarput.
Innuttaasunik ataatsimiisitsinissat uku allagarsiunneqarput:
- Narsarmijit: Marlunngornermi 10. septembari 2019, nal. 10.00 atuarfimmi.
- Aappilattoq: Marlunngornermi 10. septembari 2019, nal.15.30 Illu Sullivimmi.
- Tasiusaq: Pingasunngornermi 11. septembari 2019, nal. 15.00 atuarfimmi.
- Nanortalik: Pingasunngornermi 11. septembari 2019, nal. 19.00 katersortarfimmi.
Pilersaarutaavortaaq siulersuisuunerit sulisartut kattuffiata immikkoortortaata siulersuisuinik sulisullu sinniisaannik ataatsimeeqateqassasut. Ataatsimiinnerit taakku pissapput pingasunngornermi ullup qeqqata siorna, Nanortallip katersortarfiani.
Erseqqinnerusumik paasisaqarniaraanni saaffigineqarsinnaavoq: Kattuffiup siulittaasua Jess G. Berthelsen, tlf. 32 21 33.
Aamma takukkit: Siulersuisuunerit