SIK-p allattoqarfia Nuummiittoq 1. aggusti 2022-mit suleqatitaarpoq ilaasortanut sullissinermi ingerlatseqataasussamik. Siunnersortitut atorfinittoq tassaavoq Axel Lund Olsen.
Axel Lund Olsen SIK-mut ilaasortat ataasiakkaat atorfeqarnerup tungaatigut suliassiissutigisartagaannik suliaqassaaq. Aammali suliffigissaanermut tunngasut sammisarissavai kattuffiullu allattoqarfiata SIK-p Inuusuttaanut attaveqaatigissallugu.
Axelip atorfininnerata peqatigisaanik kattuffiup allattoqarfiani sulisut ilaasa suliassaasa agguataarneqarnerat iluarseqqinneqarpoq. Siunnersortit ukua suliassaqarfii imaalillugit allanngortinneqarput:
- Sofie Svendsen: Isumaqatigiissutit. Ilinniartitaaneq suliffeqarnerlu.
- Riikki Biilmann: Isumaqatigiissutit.
- Inge-Marie Rosing: Qaammarsaanermut Ilinniartitaanermullu Aningaasaateqarfik (QIA). Pikkorissaanernik aaqqissuussineq. Peqatigiiffiit sulisullu siinniisaat. Pilerisaarineq ilaasortassarsiornerlu.
► Una tooruk sulisut suliassaasalu allattorsimaffiat SIK-p nittartagaaniittoq takujumallugu