Ukiuni kingullerni sisamanngulersuni qujanartumik orsussaq maani nunatsinni akikilliartorsimavoq.
Taamakkaluartoq suliffeqarfinni allanilu kiffartuussivinni tusarneq ajorpugut orsussap apparnera peqqutigalugu akinik appaasunik, soorlu Airgreenland eqqarsaatigalugu.
Maanna Airgreenland orsussap akitsoriartornera peqqutigalugu qaffaalerpoq.
SIK-p qatsulluinnarpaa suliffeqarfiit allallu kiffartuussiviit orsussap qaffalaarnera patsikkiullugu akiminnik qaffaasarnerat, illuatungaatigulli orsussap akianik appaasoqartillugu tusanngisaannarpugut akinik appaasunik.
Suliffeqafiit allallu kiffartuussiviit tamanna aqussinnaanngippassuk isumaqarpugut arlaatigut aaqqiissutaasinnaasumik qanoq iliuuseqartoqartariaqalersoq.
Jess G. Berthelsen
SIK.p siulittaasua